^ Ir arriba

novas

Novas Concello de Gondomar

Novas Concello de Gondomar

Wednesday, 01 December 2021 16:36

Gondomar inaugura o seu Nadal esta fin de semana

_DSC4148.jpg
 
 
 
O vindeiro sábado 04 de decembro Gondomar dará o pistoletazo inicial ao seu programa de Nadal coa inauguración oficial da iluminación navideña, ás oito da tarde na Praza da Paradela, onde previamente celebrarase un concerto e personaxes de animación convidarán á cidadanía a sumarse á celebración, que presidirá o alcalde de
Gondomar, Paco Ferreira, acompañado polos integrantes do seu goberno.
 
Todo listo para a conta atrás este sábado e inaugurar a iluminación do Nadal nun acto que “é xa unha cita que moitos e moitas teñen marcada no seu calendario”, manifesta o rexedor gondomareño, que ás 20.00 horas pulsará o botón que acenderá as miles de lámpadas leds, arcos de luz e “a nosa tradicional árbore vermella” no municipio, marcando o inicio da celebración do Nadal.
 
O acto virá precedido dun concerto a cargo do grupo “Los Goonis” e a presenza dos personaxes, sempre máxicos, aos que darán vida os integrantes de “Sarao Animación” que caldearán o ambiente para garantir unha tarde de alegría e diversión para grandes e pequenos.
 
Belén Artesanal en movimiento
 
O mesmo sábado inaugurarase o Belén artesanal en movemento -a partir das 18.30 horas- que este ano se traslada á Casa da Cultura onde permanecerá ata o próximo 9 de xaneiro. Nesta ocasión a composición ocupará preto de 55 metros de espazo e conformarana un total de 600 figuras, das que 150 están en movemento.
 
O seu propietario Fernando Fernández Penedo, veciño da parroquia de
Borreiros, que leva preto de 3 décadas tallando e dando vida ás figuras que integran este belén artesanal no que este ano destacan novidades como a inclusión dunha réplica da ponte romana de Ramallosa, en cuxa elaboración empregou case tres meses de traballo.
 
Programación de Nadal
 
A inauguración da iluminación de nadal poñerá en marcha tamén o programa elaborado pola concellería de Cultura para estas datas festivas no que non faltarán a visita de Papa Noel, os Reis Magos ou o Apalpador, teatro, concertos ou pasarrúas. Non faltará a cita tradicional coa Cabalgata de Reis ou o Certame de Rondallas do 06 de xaneiro.
 
O 12 de decembro o Auditorio Lois Tobío acollerá o espectáculo “Ciencia que alimenta” cuxa recadación se destinará a Gondoilusión, a campaña solidaria, promovida por Benestar Social, que busca garantir xoguetes para nenos e nenas cuxas familias se atopan en situación vulnerable. Pequenos que poderán gozar da visita de Mama Noel o 22 de decembro e de Papa Noel os días 23 e 24 deste mes, ambos estarán acompañados
por unha animación especial para a ocasión.
Fieis ás tradicións en Gondomar espérase a visita do Apalpador o día de Nadal a partir das 12.00 horas, que chega a Gondomar de man da Diputación Provincial de Pontevedra. Os Reis Magos percorrerán as rúas na cabalgata a partir das 17.30 h. e o 04 de xaneiro os nenos/as poderán deseñar as súas cartas e tarxetas nun taller que se celebrará na Praza Paradela.
A música non faltará á cita do Nadal en Gondomar coa celebración do Certame de Panxoliñas (18 decembro) a cargo das corais do municipio, o Concerto de Nadal dos alumnos do conservatorio o día 15 de decembro, a actuación da Banda Musical de Vincios e a presenza das Rondallas de Vincios e Chaín nas rúas do municipio, que participarán o día de Reis no tradicional e veterano Certame de Rondallas de Gondomar.
Este ano tamén recupérase o Mercado de Nadal que se celebrará o próximo 19 de decembro durante toda a xornada, iniciativa que ponse en marcha en colaboración coa concellería de Comercio, ao que se suman outras como o concurso de decoración do Nadal de escaparates e vivendas, o campus solidario de Nadal para nenos de entre 6 e 12 anos, ou o programa “Non Nadal, merca en Gondomar”, de promoción do consumo local.

 Cartel Web

O goberno de Gondomar avanza así nos compromisos adquiridos en materia ambiental e de loita contra o cambio climático fixados na axenda 2030 da Unión Europea, con accións e políticas que promoven o aforro enerxético e a redución de emisións, sobre as que se pretende seguir avanzando.

 

A aprobación no pleno da corporación municipal é un paso máis dentro do proceso iniciado hai unhas semanas co encontro de traballo presidido polo alcalde, Paco Ferreira e o concelleiro de Medio Ambiente, Brais Misa, coa presenza de técnicas do departamento e outros membros do goberno local. Nesta xuntanza, a empresa Inova Labs expuxo os pormenores e accións concretas que se deberán abordar de aquí ao 2030 para reducir as emisións de CO2.

“Adiantámonos así á data límite fixada en xuño de 2022 e comprometémonos a traballar duro por conseguir os obxectivos prioritarios do Pacto, que nos beneficiará como localidade pero tamén sumará na loita contra o cambio climático a nivel mundial”, explicou o alcalde gondomareño, que insistiu en “que isto é un labor na que a colaboración e a unión de todos e todas é imprescincible”.

Obxectivos PACES

            A redacción do plan está financiada polos fondos europeos FEDER, a través da Consellería de Medio Ambiente, Territorio e Vivenda, o concello de Gondomar adquire como compromiso reducir en, polo menos, un 40% as emisións de CO2 no Concello, partindo do ano de referencia 2019.  Obxectivo que se apoia en dous obxectivos complementarios:

  • Minimizar o consumo enerxético no municipio, con especial incidencia no eléctrico e de combustibles fósiles, especialmente o gasóleo A.
  • Incrementar o nivel de implantación das enerxías renovabales, como xa se está facendo en con a localización de caldeiras de biomasa en edificios municipais, ou a adquisición de vehículos eco, entre outras accións.

A elaboración do PACES tivo un custe de 6.000 euros financiados pola Consellería de Medio Ambiente a través dunha subvención para a redacción destes plans dirixida aos concellos adheridos ao ‘Pacto das alcaldías para o clima e a enerxía sustentable’, cofinanciadas polo Fondo Europeo de Desenvolvemento Rexional con cargo ao programa operativo Feder Galicia 2014-2020. Dito “Pacto”, ao que está adherido Gondomar, é un movemento que agrupa a milleiros de gobernos locais que se comprometen a afrontar retos coma a sostibilidade enerxética e que pretende garantir unha contorna estable dende o punto de vista económico, social e medioambiental para as xeracións actuais e futuras.

LOGOS PACES WEB 600x57

Tuesday, 30 November 2021 14:10

II MERCADO DE NADAL

 
CARTEL-A3.jpg
Descubride que se oculta tras as páxinas de "Dedas", un libro ilustrado dirixido a nenas e nenos de 1 a 6 anos, cun divertido contacontos desta bela historia que se desenvolverá no Centro Neural este sábado 04 de decembro a partir das 17.00 horas. Ilustracións de cor e poesía na que a musicalidade e repetición converten esta obra en algo entretido e divertido que non esquece o seu fin didáctico, sempre presente nos obxectivos das súas creadoras Soledad García (escritora), Laine Villero (ilustradora) e Natalia Guisande (responsable do deseño).
 
Esperámosvos!!
 
 
VIII CAMPUS NADAL.png
 
Entre os días 27 e 30 de decembro o concello de Gondomar celebrará unha nova edición do Campus Nadal Solidario, promovido pola concellaría de Deportes, e que xunta a diversión para os máis novos e novas cos hábitos saudables e os valores da solidariedade.
 
O VIII Campus Nadal Solidario abre o seu prazo de inscricións este luns 29 de novembro e permanecerá aberto ata o 22 de decembro para cubrir as 70 prazas que se poñen ao dispor das familias de Gondomar como unha das alternativas para favorecer a conciliación durante as datas do Nadal.
 
“É unha das preocupacións que neste goberno sempre temos presente e desde as concellerías trabállase para atender esta demanda ofrecendo sempre actividades nas que os máis novos e novas ademais de divertirse tamén aprenden valores necesarios para o seu desenvolvemento como o compañeirismo, hábitos saudables ou
a solidariedade, entre outros”, sinala o alcalde Paco Ferreira.
 
A única condición para poder inscribirse será a de achegar como mínimo 2 quilos de alimentos non perecedoiros para o banco de alimentos municipal “porque nestas datas, máis que nunca, non podemos esquecernos daqueles que se atopan nunha situación vulnerable”.
 
Poderán participar nenos e nenas de idades comprendidas entre os 6 e 12 anos que durante os catro días do campamento poderán participar en distintas actividades deportivas, descubrindo as súas habilidades en deportes que descoñecían ou mesmo achegarse a novas modalidades, á vez que se divirten. Como en anos anteriores, tamén se programa unha excursión.
 
As inscricións realizaranse no pavillón Municipal Bernabé Costas de Miranda, entre ás 17.00 horas e ás 19.00 horas. 
 
Máis información no correo This email address is being protected from spambots. You need JavaScript enabled to view it. ou o teléfono 986 360 305.
Friday, 26 November 2021 10:13

CONCURSO DE DECORACIÓN

 

Concurso Decoración.jpg

As Concellerías de Comercio, Turismo e Cultura do Concello de Gondomar, organizan o 1º Concurso de decoración de Nadal no municipio coa intención de fomentar a participación cidadá no embelecemento e ornamentación da vila nestas datas, facendo complices tanto ao pequeño comercio local como a veciñanza coas súas vivendas particulais.


Mediante este concurso, queremos promover a creatividade e deixar voa a imaxinación, potenciar o ambiente de Nadal e crear unha armonía que faga do noso municipio un atractivo para os visitantes. Para iso, a temática escollida nesta ocasión é “A FÁBRICA DO NADAL”, e nela ten cabida todo tipo de elementos navideños e cores.

 

BASES

ANEXO I

ANEXO II

 

 

photo_2021-11-24_13-44-29 (4).jpg
 
O Concello de Gondomar, un ano máis, a través do departamento de Igualdade editou un calendario dedicado ás mulleres as que a historia negou o seu recoñecemento. Este ano ocuparán as súas páxinas mulleres galegas que abriron camiño e foron pioneiras
en ámbitos negados a elas como pode ser a investigación, as matemáticas ou a aviación.
 
Coincidindo cos actos do 25 N, Día Internacional contra a Violencia de Xénero, un ano máis se repartirán en Gondomar calendarios do próximo ano cuxo obxectivo fundamental, como nas dúas últimas edicións, é visibilizar a aquelas mulleres que durante anos a historia negou o seu papel nela.
 
Se o 2020 foi un almanaque dedicado a mulleres representativas na loita de igualdade de oportunidades e dereitos femininos, o 2021 ocuparán as súas follas aquelas que, rompendo todos os estereotipos establecidos pola sociedade, abriron camiño con grandes achegas históricas.
 
Así desde xaneiro a decembro poderemos descubrir nomes como o da pontevedresa Elsa Patiño, primeira muller en pilotar un avión en Galicia; o da matemática e astrónomoma, Antonia Ferrín; Olimpia Valencia, a primeira médica galega; María Casares, actriz de cinema e teatro que chegou a ser moi cotizada en escenarios franceses; ou Ángeles Alvariño, primeira muller galega que, como científica, viaxou a bordo dun barco de investigación, entre outras.
 
Os calendarios, financiados con fondos del Ministerio de Igualdade, dentro do marco do Paco de Estado contra a violencia de xénero, poderanse recollerse este xoves na Praza Paradela (entre as 11.00 e 13.00 horas), coincidindo coas actividades centrais do día, e despois no Rexistro Municipal do concello de Gondomar

NO NADAL MERCA EN GONDOMAR.jpg

A Concellería de Comercio e Turismo do Concello de Gondomar organiza unha nova Campaña de Nadal de apoio ao comercio local co fin de concienciar a veciñanza da importancia de realizar as compras no comercio local de Gondomar, e axudar a contribuir no desenvolvemento económico, social e dinamizador do noso Concello.

 

BASES

ANEXO I

ANEXO II

CARTEL

 

 
2O4A4344.jpg
 
Alumnado de 4 da ESO do IES Terra Turonio protagonizaron este martes unha das actividades organizadas pola Concellaría de Igualade dentro do programa elaborado con motivo da celebración do Día Internacional contra a Violencia de Xénero, o próximo día 25 N. A través dunha representación teatral enfrontáronse a preguntas que os e as situaban ante a violencia machista.
 
A actriz e autora, Mónica Sueiro, representou a súa peza Des-Alento, unha acción escénica que aborda os malos tratos psicolóxicos, orixe en moitas ocasións de casos que finalizarán no maltrato físico. A obra transista entre o ámbito metafórico e simbólico para finalizar compartindo coas mozas e mozos unha vivencia de violencia do pasado persoal, vivida pola propia actriz.
 
A representación, financiada con fondos do Ministerio de Igualade a través do Pacto de Estado contra a violencia de xénero, busca implicar ás novas xeracións na identificación dos distintos tipos de violencia que existen o seu redor, facendo fincapé no control psicolóxico que se exerce, en máis ocasión das que pensan, sobre as mulleres.
 
“Son o noso futuro, e deles e delas depende que esta loita que iniciamos chegue á meta correcta: á erradicación da violencia contra as mulleres e a consecución dunha igualdade real na nosa sociedade”, apuntou o rexedor Paco Ferreira, quen felicitou á actriz pola súa acción escénica.
 
A representación de Des-Alento, que tamén representarase para o alumnado do outro IES do municipio, súmase a outras iniciativas que xa están en marcha, como a adhesión dos comercios á campaña “En negro contra a violencia”, a edición de calendarios con “mulleres galegas que abriron camiño en ámbitos vetados para as mulleres”, ou a celebración do Consello Municipal da Muller. O acto central, o próximo 25 de novembro, celebrarase ás 12.00 horas na Praza Paradela, cunha concentración, lectura de manifesto e un minuto de silencio polas mulleres asasinadas este ano a mans das súas parellas e exparellas.

Nova convocatoria municipal/provincial de subvencións en réxime de concorrencia non competitiva para os sectores que se viran afectados pola crise da COVID-19.

Con carácter xeral, esta liña de axudas municipais/provinciais busca paliar en parte a perda de ingresos derivada dunha menor actividade durante a pandemia -dende 14 de marzo 2020 ata a actualidade- das pemes e autónomos con ata 10 persoas empregadas, apoiando así o mantemento da actividade económica e do emprego dos sectores afectados pola crise da COVID-19, como pode ser hostalaría,autotaxi, actividades culturais relacionadas cos espectáculos e a música, aloxamentos turísticos, parques de bolas para ocio infantil, pequeno comercio, ximnasios, ocio nocturno, axencias de viaxes, servizos fotográficos, formación/ensinanza non regrada, etc… derivada dunha menor actividade durante a pandemia, sufragando gastos correntes satisfeitos durante o período mencionado.

Estas axudas están cofinanciadas pola Deputación de Pontevedra

Máis Información:

BASES

ANEXO II

Rss