^ Ir arriba

novas

Novas Concello de Gondomar

Novas Concello de Gondomar

Un ano más nos sumamos á festa de celebrar o Día das Letras Galegas no que este ano se rinde homenaxe a Ricardo Carvalho Calero. Dende o goberno de Gondomar queremos por o noso gran de area nesta xornada lembrando no só a figura do homenaxeado se non que a nosa lingua é a nosa cultura.

Este 17 de maio tamén celebramos o Día Mundial da Reciclaxe e dende o goberno de Gondomar amosa o seu agradecemento á veciñanza porque, según os datos analizados, nos dous meses de confinamento e pese a el, o seu compromiso coa xestión selectiva de residuos estivo moi presente, incrementándose nun 28% de media a recollida de envases, papel e cartón.

O goberno aproveita esta data para lembrar que o seu compromiso na loita contra o cambio climático e no coidado do medioambiente desenvólvese os 365 días do ano. Nese sentido seguen a apostar por políticas que promovan e faciliten a reciclaxe poñendo a disposición dos veciños os medios necesarios para garantir unha xestión selectiva dos residuos que xeneran.

 

dia mundial medio ambiente.jpg

O goberno local de Gondomar, dentro da súa aposta clara por unha política de sustentabilidade e respecto ao medioambiente, presentou este xoves á nova mestra composteira que se sumará a plantilla do concello de Gondomar para ocuparse da atención dos centros de compostaxe en funcionamento na localidade, entre outras función relacionadas con materias medioambientais e de reciclaxe.


“A loita contra o cambio climático e converter Gondomar nun referente de localidade sostible e verde é un dos obxectivos que nos marcamos nesta lexislatura”, explica o alcalde Paco Ferreira, “e para iso desenvolveremos todas as iniciativas ao noso alcance utilizando as ferramentas que o fagan posible como é, neste caso, a contratación de expertos como Karina Pereira, que nos permitirán avanzar na nosa aposta”.
No acto de presentación participou tamén Carlos Pintos, coordinador do Plan Revitaliza no sur da provincia de Pontevedra, que congratulouse da boa disposición amosada en todo momento polo goberno de Gondomar no fomento da economía circular. Lembrou que “é o noso obxectivo fundamental: informar e formar a sociedade na xestión dos residuos para que cunha correcta xestión se convertan en recursos de novo”.
A mestra composteira, ademais de facerse cargo dos dous centros de compostaxe comunitaria (situados no Parque das Ánimas e xunto ao Froiz), tamén supervisará os distintos composteiros individuais facilitados pola concellería de Medio Ambiente a aqueles veciños que o solicitaron, distribuíndose preto de 200 ata o momento.
Pero as sús tarefas van máis alá ao incluirse entre as súas funcións a organización de campañas informativas sobre a compostaxe e outras iniciativas relacionadas coa reciclaxe e a loita contra o cambio climático; a elaboración de diferentes estudos relacionados coa coa clasificación e caracterización dos residuos xerados en Gondomar; ou, impartir formación a empregados municipais.
A nova contratación enmárcase no Plan Revitaliza da Deputación Provincial de Pontevedra que financiará integramente o primeiro ano o salario desta nova traballadora, que prestará o seu servizo en Gondomar durante tres anos, asumindo o segundo o concello local un 50% do financiamento do seu salario, e o terceiro un 70 por cento.

 

COMPOSTEIRA 1.jpg

Thursday, 14 May 2020 11:14

Documental "Gondomar no Río da Plata"

Novo avance do documental que sobre a emigración de Gondomar no Río da Plata está a preparar Xan Leira para o noso concello. Recuperando a nosa historia, neste caso dende a testemuña de José Rodríguez.

Thursday, 14 May 2020 11:11

Xeolodía na Serra do Galiñeiro

O concello de Gondomar sumouse este ano a celebración do Xeolodía, organizado pola Protección da Serra do Galiñeiro. O confinamento fixo imposible facer esta maravillosa ruta a pé, pero tedes a oportunidade de gozar da nosa maravillosa Serra e entorno natural a través deste vídeo:  https://geolodia.es/geolodia-2020/pontevedra-2020/

Ante a chegada do verán e o inicio do período de máximo risco de incendios forestais o concello insta aos propietarios de fincas a cumprir a lei vixente en esta materia que recolle sancións de ata 100.000 euros nos casos graves. De non limpar as parcelas a administración local asumirá esta tarefa, repercutindo posteriormente os gastos.

O alcalde, Paco Ferreira, lembra que na loita contra os incendios “debemos estar todos xuntos e traballar nese senso na mesma dirección: previrlos, para evitar así a destrución dos nosos bosques e entorno natural, e garantir a máxima protección para nosa vila e os seus cidadáns.”
Así lembra que a lei 3/2007 de prevención e defensa contra os incendios forestais de Galicia establece unhas condicións específicas para as denominadas "redes secundarias de faixas de xestión da biomasa", cuxa función prioritaria é servir de barreira natural dos núcleos de poboación, infraestruturas, equipamentos sociais, zonas edificadas, vivendas illadas, parques e polígonos industriais.
En atención ás especiais circunstancias derivadas do actual estado de alarma sanitaria declarada pola pandemia do COVID-19 as persoas responsables disporán ata o 16 de xullo de 2020 inclusive para o cumprimento voluntario da súa obriga para xestionar a biomasa nas parcelas afectadas polas redes secundarias de faixas, según o publicado no DOG, que sinala que se son precisos desprazamentos para esta tarefa “deben levar consigo unha declaración responsable que comprenda as leiras en que van levar a cabo as actividades, incluíndo a identificación da parcela e a súa referencia catastral”.
Os donos de parcela están obrigados a xestionar a vexetación nunha faixa de 50 metros a solo urbano, de núcleo rural e urbanizable, ao redor de edificacións, vivendas illadas, urbanizacións, depósitos de lixo, cámpings, gasolineiras e parques e instalacións industriais situados a menos de 400 metros do monte.
Tamén é preciso limpar ao redor das edificacións illadas en solo rústico situadas a máis de 400 metros do monte. Con carácter xeral, na mesma faixa de 50 metros no poderá haber árbores, como eucalipto e diferentes variedades de piñeiro.

Calquera dúbida pódese resolver nos seguintes teléfonos: emerxencias defensa contra incendios forestais (085); Concello de Gondomar: 986.360.125; Distrito Forestal XVIII Vigo-Baixo Miño (886.120.800); Servizos provinciais de prevención e defensa contra incendios: (986.805.327); e Secretaría Xeral do Medio Rural e Montes (981.546.107)

Ante o regreso a actividade do pequeno comercio e con el a reapertura das copisterías, o concello pon fin ao servizo de fotocopias e entrega de deberes a estudantes do municipio.

Conclúe esta actividade excepcional que se puso en marcha durante o periodo do confinamento motivado pola alarma sanitaria para axudar a aquelas familias que non dispoñían dos medios necesarios para que os seus fillos e fillas tiveran acceso ao material escolar que precisaban e se lles facía chegar dende os colexios e institutos semanalmente.

 

fotocopias.jpg

Wednesday, 13 May 2020 09:31

REAPERTURA DO PUNTO LIMPO DE GONDOMAR

Mañá mércores 13 de maio o punto limpo de Gondomar volverá a abrir as súas portas aplicando as normas impostas polas autoridades sanitarias.

Será imprescindible a cita previa a través do teléfono 900 107 382. Non se atenderá a ninguén que se achegue sen tela.

O aforo limitarase a dúas persoas, deberán manterse as normas de distanciamento social dos dous metros e seguir as indicacións do personal do punto limpo. Recoméndase o uso de luvas e mascarilla.

 

️Cita previa no 900 107 382

Lunas a xoves: 16.00 a 19.00 horas

Venres e sábado: 09.00 a 13.00 horas

 

 

APERTURA PL.jpg

Rss