^ Ir arriba

novas

Novas Concello de Gondomar

Novas Concello de Gondomar

A concellería de Formación e Emprego e a concellería de xuventude do Concello de Gondomar ofrecen un curso gratuito de inglés orientado ao sector servizos destinado a menores de 35 anos.

A formación, cunha carga lectiva de 80 horas, busca dotar aos alumnos das ferramentas lingüísticas precisas para desenvolverse facilmente no idioma anglosaxón cun enfoque determinado cara os empregos do sector servizos coma son a hostalaría, o comercio e o turismo.

O curso comenzará o vindeiro día 25 de novembro e impartirase no Centro de Desenvolvemento Local de Gondomar en horario de mañá, de 9:30 horas a 14:30 horas.

O prazo de inscripcións comeza o martes día 11 de novembro e os interesados deberán cumplimentar a solicitude disponible no propio CDL u Oficina Municipal de Información e Xuventude e acompañala dunha copia do DNI, volante de empadroamento, certificado do título da ESO e tarxeta de demandante de emprego.

Hai un total de 15 prazas disponibles que serán concedidas atendendo primeiramente a criterios de antigüidada de desemprego.

Baixo o título "O proceso de selección: como superar unha entrevista de traballo", a psicóloga Pomba Domínguez Ferro impartirá, o próximo día 18 de novembro ás 10:30 horas no Centro Neural de Gondomar, unha charla sobre os aspectos a ter en conta para ter éxito nunha entrevista de traballo.

O candidato a un emprego debe coñecer ben as súas calidades e debilidades á hora de enfrontarse a unha entrevista xa que nela se evalúa a súa idoneidad para o posto vacante. A través dunha serie de tácticas e consellos, Pomba Domínguez, experta en selección de persoal, ensinará a gestionar todos estes aspectos para dotar ao candidato dunha maior confianza en si mesmo e superar a entrevista con seguridade.

A seguinte actividade organizada por Valemprego para este mes de novembro terá lugar no Centro Municipal Anxo Bedriñana o próximo día 20 de novembro ás 10:30 horas coa conselleira da Rede Eures de Vigo, Elisa González Pérez, quen informará aos asistentes sobre as posibilidades laborais no estranxeiro e como acceder a elas.

Para rematar, o próximo día 25 de novembro no Centro Antena de Nigrán a orientadora María Luisa Cordido Varela informará sobre a importancia da formación á hora de lograr ou manter un emprego a partir das 17 horas.

As persoas interesadas deben presentar a súa solicitude cubrindo a ficha a disposición nas páxinas web e nos Departamentos de Emprego dos tres concellos, e entregalas nestes servizos ou remitilas á dirección de correo electrónico This email address is being protected from spambots. You need JavaScript enabled to view it..

O Concello de Gondomar pon en marcha, por segundo ano consecutivo, o programa de ocio e tempo libre Gondonadal durante as vacacións escolares de Nadal.

Co obxectivo de favorecer a conciliación familiar e laboral oConcello ofrece un total de 40 prazas destinadas a menores empadroados en Gondomar e fillos de traballadores en activo nacidos entre 2001- 2002 e no ano 2011. En caso de non cubrir todas as prazas aceptaranse menores doutros Concellos con preferencia a aqueles cuxos proxenitores traballen no municipio deGondomar.

Gondonadal levarase a cabo entre o 22 de decembro e o 7 de xaneiro no CEIP Chano Piñeiro de 9 horas a 14 horas.
As solicitudes deberán presentarse a partir do día 17 de novembro e ata o día 28 de novembro no Rexistro Xeral do Concello de luns a venres de 9 horas a 13:30 horas e sábados de 9 horas a 13 horas. A solicitude da praza deberá ir acompañada da fotocopia do documento de identidade dos pais, das persoas encargadas de ir a recoller aos nenos, do libro de familia ou DNI do menor, do volante de empadroamento da unidade familiar, e, de ser o caso, xustificación da ocupación actualizada dos pais ou titores.

A lista provisional de admitidos publicarase o día 2 de decembro na páxina oficial do Concello www.concellodegondomar.com co proceso de reclamacións aberto ata o día 5 de decembro e coa publicación definitiva o día 12 de decembro.

Máis información dispoñible no teléfono 986. 389.355 ou no correo electrónico This email address is being protected from spambots. You need JavaScript enabled to view it..

DSC 7389

 

A Agrupación DeportivaVincios de Tenis de Mesa clasificouse o pasado fin de semana no Torneo Zonal de Lalín para o Estatal de Valladolid que terá lugar en febreiro de 2015. Ademais da clasificación para a proba nacional o club conseguiu en Lalín conquistar o podio con tres subcampions, dous terceiros postos e un cuarto posto.

Os subcampions foron Ángel Igrexas en infantil, Martín Pintosenxuvenil e Samuel Pereiro na categoría absoluta. Andrés Torres eNatalia Fernández foron terceiros en infantil e Simón Casal cuarto en cría. Ademais Luísa Pintos foi sexta en cría feminina e Luís Güelloitavo tamén en cría. Todos eles están clasificados para a proba nacional.

Outros xogadores e xogadoras como Lucía Graña (9ª), Valentina Estévez (10ª), Rafa Otero (12º) ou David González deberán esperar as clasificacións de categorías para saber se o seu posto lles permite entrar no nacional.

Este próximo fin de semana retómanse as ligas e o AD Vincios-Bade ,de división de honra feminina, recibirá o sábado día 8 de novembro ás 18 horas no ximnasio do IES Terra de Turonio ao equipo catalán do Autoescola Tatchepol Ripollet, nun encontro moi importante de cara ao obxectivo da permanencia na categoría de prata do tenis de mesa.

O pasado 1 de novembro o Club de Patinaxe Artística CPA Gondomar alcanzou o quinto posto na Copa de Europa celebrada en Luso, Portugal, coa patinadoraMiriam Pérez no seu debut dentro da categoría xuvenil.

Miriam, de 16 anos de idade e unha das 3 representantes españolas no campionato europeo, enfrontábase en Portugal ás italianas, escola referente mundial, polo que a posición alcanzada é dobremente celebrada por un club que tan só ten 10 meses de vida.

O CPA Gondomar creouse en xaneiro do presente ano grazas aDavid Figueroa, adestrador de recoñecido prestixio internacional e instrutor nas escolas deportivas de Gondomar, quen considerou o gran número de nenos na localidade e a inexistencia dun club de patinaxe artística como factores determinantes para a creación dunha formación nova. A maior dispoñibilidade de horas de adestramento ofrecidas polo Concello no colexio de Donas foi clave para o crecemento do club.

Miriam Pérez iniciouse aos 8 anos no mundo da patinaxe da man de David Figueroa e, dende entón, traballou sempre con el obtendo numerosos éxitos como a medalla de ouro no Campionato de España 2010.

O CPA Gondomar conta xa con 45 deportistas, 11 deles en competición en todas as categorías dos campionatos nacionais (a excepción da infantil) e no campionato internacional europeo recentemente disputado, cun novo reto este fin de semana no Campionato de España Cría que se celebra en Ripollet e onde a críaXosé Cruz, con tan só 8 meses no Club, demostrará as súas competencias deportivas.

O Club asegura que o éxito alcanzado en tan pouco tempo se debe á conxugación de tres factores fundamentais: os nenos e nenas integrantes pola súa tenacidade e constancia, o traballo, dedicación e paixón de David Figueroa e a filosofía de traballo serio e ben feito do club.
Tanto o club coma o Concello de Gondomar celebran así o bo funcionamento desta nova formación deportiva augurando futuros éxitos e recoñecementos que axudan a valorar a calidade deportiva do Val Miñor e situar a Gondomar nos escenarios deportivos nacionais e internacionais.

O Concello de Gondomar iniciou diferentes obras de acondicionamento e instalación de marquesinas no municipio, tanto na zona urbana coma nas parroquias.

No centro da localidade procedeuse á reparación dunha marquesina ante a que se acumulaba auga procedente da chuvia mediante a colocación dunha reixa frontal que evita o abasto desta. A semana pasada instalábase tamén unha nova marquesina na parroquia deVincios a petición da ANPA do colexio Serra Vincios á Concellaría de Educación, ao tratarse dunha zona de grande afluencia.

O Concello de Gondomar continúa con estas obras en diferentes puntos da localidade mediante roza e limpeza debido á existencia de pintadas en moitas das marquesinas co fin de" preservar e manter en bo estado o mobiliario urbano do municipio", segundo informa o concelleiro responsable de Vías e Obras, Jesús Salgueiro.

O Centro de Información á Muller de Gondomar pon en marcha un curso de Auxiliar de Dependente de Comercio o próximo día 24 de novembro.

A formación, de 80 horas de duración, está dirixida fundamentalmente a mulleres desempregadas co fin de aumentar a súa inserción laboral cun programa que inclúe 40 horas de teoría e 40 horas de prácticas en diferentes comercios do municipio.

Ofértanse un total de 15 prazas que serán asignadas por orde de presentación de solicitudes no Centro de Información á Muller e que deberán ir acompañados de fotocopia do DNI, volante de empadroamento, fotocopia da tarxeta de desemprego e currículo. O prazo de presentación de solicitudes remata o día 19 de novembro.

O vindeiro 23 de outubro deberanse resintonizar os canais de cada televisor se se queren continuar recibindo todos

Nalgúns edificios podería ser necesario a adaptación da antena colectiva

Rss