^ Ir arriba

novas

Novas Concello de Gondomar

Novas Concello de Gondomar

O alcalde de Gondomar, Paco Ferreira, anunciou esta fin de semana a súa intención de destinar o 50 por cento do orzamento previsto para a iluminación do Nadal a emerxencia social “porque somos conscientes de que son moitas as persoas que se viron afectadas dunha forma ou outra por estes tempos convulsos que estamos a vivir coa pandemia”.
Por esta razón incrementar as achegas ás partidas dirixidas a atender ás familias máis vulnerables converteuse nun dos obxectivos prioritarios nestes momentos. Algo que, tal e como explica o rexedor, “non impedirá que Gondomar siga lucindo como outros anos durante as festas de nadal, con luces e actividades pensadas e dirixidas aos nosos veciños”.
Reducirase, con todo, o investimento en iluminación, que se manterá no centro urbano e nas prazas máis emblemáticas do municipio, así como a “árbore vermella” que se converteu nun referente do Nadal no concello. Ademais, este ano tampouco se instalará o Belén en movemento que, tradicionalmente vén realizando un veciño do municipio, nin elementos decorativos como o Tranvía que se recuperou o ano pasado.
Todo iso permite reducir o orzamento en case un 50 por cento respecto ao ano pasado e destinar así o resto a axudas de emerxencia social que existan no municipio.
Unha preocupación que, desde o inicio da lexislatura, e máis durante a presente pandemia preocupou ao goberno local, como proba o incremento nun 500 por cento as partidas de Benestar Social.
Esta mesma semana asinarase o contrato coa empresa Idades S.L que se fará cargo do Servizo de Axuda ao Fogar (SAF), que recolle un incremento na partida anual do concello de 221.000 euros. Súmase este gasto aos asumidos noutros servizos como o banco de alimentos municipal (que duplicou o seu investimento mensual) ou o pago de comedores escolares, alugueres ou igualdade, que “converte a Gondomar no concello que máis inviste en materia social de toda Galicia”, asegura o seu alcalde.

 

luces.jpg

• Un “miniecopunto” percorrerá as diferentes parroquias e centros educativos da localidade para facilitar a recollida destes refugallos en todo o municipio.
• A iniciativa enmárcase dentro do marco de colaboración coa Deputación Provincial de Pontevedra e o proxecto europeo  ESTRAEE.

 “Con feitos e accións concretas seguimos avanzando na nosa aposta clara por converternos nun municipio referente na loita contra o cambio climático, así como enmateria de reciclaxe e reutilización dos residuos electrónicos e eléctricos”, manifestou o alcalde Paco Ferreira, quen subliñou “que neste labor queremos implicar a toda a poboación  facilitándolle os medios necesarios para desbotar de forma segura os produtos que xa non usan”.

 Con esta finalidade instalaranse no municipio tres caixas de recollida destinadas especificamente para os teléfonos móbiles e  tablets, pilas, e, cargadores, que poderán ser depositados alí pola veciñanza e que posteriormente depositaránse no punto limpo. Esta acción complétase cun  tótem informativo situado nun lugar accesible a todos para achegar información sobre o proceso de reciclaxe e reutilización destes materiais, así como sobre a súa capacidade altamente contaminante.

 Todos  eles conformarán un “miniecopunto” que rotará a súa localización para chegar así ao maior número de persoas posible. O primeiro punto no que se colocará será a Praza de Abastos, para posteriormente ser trasladado por períodos de 15 días

-que serán publicitados con anterioridade- aos centros culturais das parroquias de Gondomar, así como aos CEIP Chano Piñeiro, Neira Vilas e Serra Vincios, Souto Donas e os IES  Auga da Laxe e IES Terra Turonio.

​Esta medida enmárcase entro do proxecto de Estratexia Sostible Tranfornteriza para a Xestión de Rediduos e Aparalleos  Electónicos (ESTRAEE), promovida pola Deputación Provincial e á que se adscribiu o concello de Gondomar, e cuxa finalidade é impulsar no espazo transfronteirizo Galicia-Norte de Portugal a xestión do lixo electrónico.

O concello de Gondomar contará, ademais dun espazo específico no punto limpo, cunha nova  transpaleta no recinto para facilitar a recollida e almacenamento dos residuos.

 

546e7e14-de0a-49d0-915a-bee73497b8f3.jpg

 

miniecopunto modi.jpg

Thursday, 12 November 2020 16:04

Responsables de POVISA visitan Gondomar

O alcalde de Gondomar, Paco Ferreira, xunto a concelleira de Sanidade, Nuria Lameiro, recibiron hoxe ao director asistencial de Povisa, Rafael Cabadas, e o seu xerente, José David Zafrilla.
No encontro explicáronlles como se está a coordinar a atención sanitaria no centro -de referencia para un importante número de veciños do municipio- en relación coa covid19, así como os proxectos que se van a desenvolver nun futuro para crear novas áreas no centro para garantir o mellor servizo para os pacentes.
Ambos amosaron a súa disposición de colaborar co concello na medida que sexa necesaria, así como atender as demandas ou suxestións que se lles faga chegar.

 

 

8e534a24-caee-4451-ae06-e3cba8cd703c.jpg

O teatro regresa este sábado, 14 de novembro, ao auditorio municipal Lois Tobío de Gondomar da man da compañía Aporía Escénica, que representará o seu traballo “6 cubos negros en corpo branco”, escrita e dirixida por Diana Mera. A función, recomendada para público maior de 13 anos, comezará ás 20.00 horas.
Sobre o escenario cinco actrices que darán vida as persoaxes dunha traxicomedia sobre a opresión familiar e social, con tinturas de humor negro e absurdo e referencias ao universo lorquiano da Casa de Bernarda Alba.
O aforo será limitado a 30 persoas cumprindo a normativa de prevención covid19 vixente neste momento no noso municipio.
As entradas poderanse adquirir ao prezo de 3,50 euros unha hora antes da función no propio auditorio, ata completar o citado aforo.

 

dos.jpg

O goberno local, a través da súa concellería de Igualdade, dirixida por Nuria Lameiro, puso en marcha hoxe ás actividades programadas con motivo da celebración do Día Internacional contra a Violencia de Xénero, o próximo 25 de novembro, con “Contos e Monicreques” proxecto dirixido ao alumnado de 1º de Primaria dos catro CEIP de Gondomar.
Subvencionado pola Deputación Provincial de Pontevedra as pequenas e pequenos participarán en obradoiros nos que deberán crear unha historia partindo dunha trama inicial e persoaxes que eles mesmos deberán achegar a súa contorna, a seu día a día. Deseñarán os monicreques, construiranos e finalmente desenvolverán un conto que se gravará para facelo chegar aos seus pais e nais.
Con esta actividade búscase sensibilizar, previr e identificar a violencia de xénero mediante un proceso lúdico e didáctico, ao mesmo tempo que se fomentan técnicas de resolución pacífica de conflitos, fortalecese a autoestima, a tolerancia e o fomento das novas formas de participación social e comunitaria, á vez que interactúan con modelos libres de estereotipos sexistas.
“Contos e Monicreques” é un proxecto instaurado na área da promoción da igualdade entre homes e mulleres e de prevención e tratamento integral da violencia de xénero, que utiliza a maxia dos contos para introducir ás novas xeracións na igualdade de oportunidades.

• A recuperación do Peto de Piñeiro e a súa contorna recoñecidos polo Colexio Oficial de Arquitectos de Galicia (COAG) pola súa calidade e achega a sociedade.
• Na presente edición foron 69 as propostas presentadas aos Premios Gran de Área.

O proxecto de recuperación do contorno do Peto de Ánimas de Piñeiro, desenvolto polo arquitecto Santos Vila González, foi distinguido con este galardón que, anualmente, concede o Colexio Oficial de Arquitectos de Galicia (COAG), e que destaca o proxecto por recuperar e poñer en valor o camiño histórico que unía a vila coa Igrexa de San Miguel, en Peitieiros.

O alcalde de Gondomar, Paco Ferreira, manifestou a súa satisfacción ante este recoñecemento “para o noso pobo, no que traballamos para que se converta nun referente de espazos públicos pensados para a veciñanza e o seu goce”.

A actuación executada contou cun investimento de 48.656 euros no marco do Plan Concellos da Deputación, e centrouse na contorna do Peto de Ánimas de Piñero co obxectivo de reurbanizar esta zona destacando o seu valor patrimonial. Para iso creouse un espazo de protección en torno ao Peto de Ánimas e habilitáronse dous accesos á praza refundida mediante dous chanzos.

A execución deste espazo aberto crea unha bancada con dúas plataformas de madeira a forma de banco “para fomentar o encontro dos cidadáns, delimitándose coa plantación de árbores e dotándo de iluminación todo o espazo.”

Paco Ferreira subliña que “recuperar aos poucos a gran riqueza patrimonial e etnográfica coa que contamos é un dous obxectivos deste equipo. Estas pezas forman parte da nosa historia e, sen dúbida, é un atractivo turístico que se suma aos moitos que xa ten Gondomar, e neste sentido seguiremos traballando”.

Por último, o alcalde congratúlase do cambio de tendencia logrado nestes últimos anos no que Gondomar “ocupa as páxinas de actualidade coa aprobación e posta en marcha de proxectos que están a convertilo nun referente no sur da provincia de Pontevedra, lonxe da imaxe negativa que o perseguía en anteriores lexislaturas”.

 

124033030_2694680160794529_5039113743691994612_o.jpg

peto 2.jpg

Tuesday, 10 November 2020 16:28

Gondomar apoia a súa hostelería

Ante o peche obrigatorio ao que se viu obrigado o sector a hostalería este mes dende o Goberno de Gondomar séguese apostando por iniciativas dirixidas a apoiar aos nosos hostaleiros. Por iso ampliarase a data do I Concurso de Tostas de Outono, organizado pola concellería de Comercio, ata o próximo día 10 de xanerio. Lémbrase tamén que todos e todas os que estean interesados poderán seguir degustando e puntuando as tostas en concurso naqueles locais que as serven para levar ou a domicilio.
Son moitos os establecementos que prestarán este servizo durante este mes, tal e como se recolle na relación adjunta.

 

4d8ce33b-44ff-49bf-8519-e7484573657b.jpg

 

6ef2bff9-f1e4-43ce-b22e-7b2c992765c2.jpg

 

 

consume en gondomar.jpg

 

• O xurado deu a coñecer o fallo nas últimas horas e destaca o “gran esforzo en dixitalizar as zonas verdes” e as boas actuacións no núcleo urbano.
• O concello suma unha flor respecto a a edición do ano anterior.

O xurado do Certame “Vilas en flor” emitiu este pasado mércores o fallo que outorga as súas distincións aos concellos participantes, recibindo nesta ocasión o Gondomar dúas “Flores de honra”, galardón co que se distingue o traballo realizado no ámbito da xestión e o mantemento dos espazos verdes.
Suma así Gondomar unha flor respecto á anterior edición tendo no seu haber neste momento dúas, do mesmo xeito que concellos como A Guarda, Salceda de Caselas ou Cambados, entre outros. No seu fallo o xurado recoñeceu o “gran esforzo realizado pola vila en dixitalizar as zonas verdes, con códigos QR en cada unha indicando as especies e elementos singulares”, roteiro botánico que transcorre polo centro do municipio.
Ademais o xurado subliña no seu fallo as boas actuacións na entrada do núcleo urbano e “o deseño dun gran paseo fluvial incorporando as zonas verdes en tres das edificacións”, ao que suma o descubrimento de novos espazos lúdicos para desenvolver actividades de recreo.
O certame, organizado pola Fundación Juan de Vega, a Asociación de Viveristas do Noroeste e a Asociación Galega de Empresas de Xardinaría, márcase como obxectivo promover a mellora ambiental social e económica dos concellos participantes (25 nesta edición), así como dinamizar o sector do paisaxismo e ornamentación como selo de calidade e reclamo turístico.

 

b5bdd20e-ee44-4915-9c48-14dc994c920c.jpg

WhatsApp Image 2020-11-05 at 16.00.17.jpeg

A colaboración entre a adminstración pública e o sector privado, pensando nas persoas con máis necesidades neste momento, volveuse a concretar en Gondomar nesta ocasión da man da oficina de Caixabank neste municipio, que doará 8.000 euros para adquisición de alimentos e primeira necesidade que, mensualmente a través da concellaría de Benestar Social fanse chegar a veciñanza con problemas económicos.
O alcalde Paco Ferreira, maila concelleira Nuria Lameiro, agradeceron hoxe a aportación ao director de Caixabank en Gondomar, Alberto Sorribes, e a súa directora de Área de Negocio Pontevedra Sur, Elena Rodríguez.

 

 

ec4ce48d17b0bda36087b2cf3d86aa55_Generic.jpg

 O alcalde de Gondomar, Paco Ferreira, renovou os convenios de colaboración anual con diferentes entidades sociais do municipio e da comarca, a través da concellaría de Benestar Social, cunha dotación total de 10.000 euros. A firma enmárcase dentro da política do executivo de facilitar as ferramentas e medios posibles ás organizaciónsdeste tipo ou comunitario que coa súa actividade redundan en beneficio dos veciños e veciñas de Gondomar.

É o caso do Centro Juan María, que atende a mozos/as do municipio de Gondomarasí como da comarca do Val Miñor, e que percibirá unha axuda de 3000 euros para o desenvolvemento de actividades e atención dos alumnos/as que nel aténdense.

Ademais tamén se asinaron os convenios de colaboración coa Asociación Española Contra o Cancro, cunha dotación de 2000 euros, así como con Autismo Vigo e a Asociación de Axuda ao  Pobo  Saharahui, cunha dotación de 2000 euros e 1000 euros anuais, respectivamente.

Por último, o concello de Gondomar achegará unha axuda de 2000 euros áAsociaciónAvelaíña dedicada á atención de persoas con problemas de saúde mental.

pobo saharahui 4.jpg

autismo 2.jpg

0d2f0b26-3062-4c6d-a177-1fda64b02a2a (1).jpg

AVELAIÑA 3.jpg

 

775d81c5-21d9-41f1-9cd6-7154b11e3d74.jpg

Rss