^ Ir arriba

novas

Novas Concello de Gondomar

Novas Concello de Gondomar

O Pleno do Concello de Gondomar, en sesión ordinaria de data 16.01.2020, acordou aprobar expresamente, con carácter definitivo, a redacción final do texto da Ordenanza municipal de normalización lingüística, unha vez resoltas as alegacións presentadas e incorporadas á esta ordenanza as modificacións derivadas das reclamacións estimadas, o que se fai público para o seu xeral coñecemento e en cumprimento do disposto no artigo 70.2 da Lei 7/1985, de 2 de abril, Reguladora das Bases do Réxime Local.

Música, baile, cor e moita alegría encherán as rúas do centro de Gondomar o vindeiro venres, 21 de febreiro, coas “Comparsas escolares” que, como xa vén sendo tradicional, servirán para poñer en marcha o programa de Entroido, organizado polo concello, a través da súa concellería de Educación, e que se prolongará ata o mércores 26 de febreiro.

O alcalde de Gondomar, Paco Ferreira, recoñece que “este desfile dos nosos pequenos e pequenas é para nós moi especial, unha cita que todos esperamos” e engade que “é unha proba máis da colaboración e participación dos nosos veciños nas diferentes iniciativas que realizamos na localidade”.

Por iso agradece o “entusiasmo e implicación dos profesores e profesoras, e por suposto, de todo o alumnado que cada ano dáo todo e sorpréndenos coas súas orixinais ideas”.

Nesta ocasión súmanse á iniciativa os CEIP Neira Vilas, Chano Piñeiro e os IES de Auga da Laxe e Terra de Turonio. Todos eles, algo máis de 1000 persoas, iniciarán o seu desfile ás 11.00 da mañá desde o Pavillón Municipal Bernabé Costas en dirección á Praza Paradela, onde todos os participantes serán recibidos polo alcalde e representantes do goberno local.

Como en anteriores ocasións, o goberno de Gondomar achegará bebida e rosquillas ao rapazada que participa nesta actividade na que lucirán no seu percorrido os disfraces e coreografías, preparados para a ocasión durante semanas nos seus respectivos centros.

O goberno local non esquece, un ano máis, aos máis novos na celebración do Entroido programando diversas actividades pensadas para eles. O luns 24 o Pavillón de Deportes Bernabé Costas acollerá unha festa de inchables, e o martes 25 a festa trasladarase ao Auditorio Lois Tobío onde ademais do desfile de disfraces desenvolveranse diversas actividades pensadas para os máis pequenos.

 

2O4A5551.jpg

Súmase así o concello á conmemoración do aniversario do nacemento da escritora cuxa imaxe pasará a formar parte da rúa que leva o seu nome, nas inmediacións do antigo Matadoiro, cun retrato de arte urbana que realizará o artista local “ Gory”. 

A imaxe de Rosalía de Castro sumarase á realizada no seu día por este artista do escritor Carlos Casares, e con ela quérese render homenaxe “durante todo o ano a este referente da literatura galega e universal, máis aló da data na que se celebra o seu aniversario”, afirma o rexedor Paco Ferreira. 

O acto central do próximo 24 de febreiro consistirá nunha lectura pública de diferentes pasaxes das súas obras máis relevantes e aberta a todo o público. O alcalde iniciaraa ás 12.00 do mediodía ao que seguirán os integrantes do goberno local, tras o que se convidará ao resto da corporación municipal e a todos os veciños e veciñas que queiran render o seu tributo particular a Rosalía de Castro.

Así mesmo buscarase a colaboración do comercio local ao que se entregarán carteis coa imaxe de Rosalía de Castro e parágrafos impresos das súas principais creacións literarias para facer chegar a súa obra ao maior número de persoas posible.

Paco Ferreira anima aos gondomareños a participar nesta xornada “na que renderemos homenaxe a unha muller que é un claro referente non só na literatura galega e do século XIX, se non en dar voz entón a cuestións tan de actualidade hoxe en día como os dereitos das mulleres, a defensa do galego ou a denuncia da emigración”.

O goberno local cumpre así o acordo alcanzado por unanimidade o pasado pleno municipal no que se aprobou declarar o 24 de febreiro día de Rosalía de Castro no concello, así como a emprender e apoiar a realización de actividades de promoción da obra da escritora. 

7686.jpg

A directiva desta cooperativa, integrada pola nenos Uxía, Roi, Andrea, Paula e Martín, entrevistouse esta mañá co rexedor, Paco Ferreira, ao que lle explicaron o proxecto posto en marcha polos corenta alumnos de 5º e 6º de primaria do colexio Serra Vincios. 

Paco Ferreira felicitou aos estudantes pola súa iniciativa e recoñeceu estar gratamente sorprendido pola calidade e orixinalidade dos produtos, todos eles elaborados partindo da reciclaxe e a reutilización doutros elementos. Durante a entrevista coñeceu os pormenores de Coopevincios, así como as diferentes tarefas que se realizan e como se distribúen entre os cooperativistas.

Lembrou “que calquera idea emprendedora terá un apoio por parte do meu goberno, e máis cando apostan por iniciativas que, como neste caso, promoven a cooperación e a aprendizaxe sen esquecer o aspecto solidario”.

Coopevincios elabora candeas, xogos, peto ou  marcapáxinas con produtos reciclados ou reutilizados e os estudantes anunciaron a súa intención de participar no Rastrillo de Primavera de Gondomar, o próximo 21 de marzo, e aproveitaron para preguntar ao alcalde sobre a documentación que deben presentar para facelo. A recadación que se obteña da súa venda destinarase nun 75% á Fundación Fran Gil “700 camisetas solidarias”, e o resto á organización dunha viaxe a Madrid para poder asistir ao musical “O rei León”. 

             Aproveitaron a súa visita para explicar a Paco Ferreira a función que desempeña cada un na cooperativa, con postos como o de presidente, interventor ou secretario e como desenvolven o traballo día a día no centro, onde a colaboración do profesorado e as propias familias é fundamental.

Paco Ferreira destacou, por último, a importancia deste tipo de iniciativas, que se desenvolve no marco do programa “Depoemprende Educación” da Deputación, porque “potencian valores tan importantes como o emprendemento, a convivencia ou a creación, entre outras moitas competencias”.

Ref.: Exp 920/2016

Mediante a presente achégase enlace para acceder á visualización dixital ao documento aprobado definitivamente por Resolución de Alcaldía en data 04.02.2020:

APROBACIÓN DEFINITIVA DO PROXECTO DE REPARCELACIÓN DO POLÍGONO INDUSTRIAL DE A PASAXE. POLÍGONO 1.

https://concellodegondomar.sedelectronica.gal/transparency/e9581f2d-32db-42e0-a01f-1cb007e58c73/

(Documento asinado dixitalmente á marxe)

O alcalde de Gondomar, Francisco Ferreira, presidiu a primeira mesa local do comercio celebrada tralas pasadas eleccións municipais. Nela abordáronse diferentes cuestións relacionadas co sector, entre elas, a intención de trasladar a celebración do mercadillo semanal aos martes.  

A edil responsable da área, Rocío Goberna, explicou que a medida entrará en vigor antes do verán e que é froito de varios meses de traballo e consenso cos representantes da Asociación Galega de Vendedores Ambulantes, comerciantes e placeiros. Co cambio da celebración de sábado a martes búscase promover o máximo número de asistentes, á vez de garantir que a montaxe e disposición dos postos non afecte ao aparcamento da Praza Rosalía, onde ata o de agora viña situándose.

Ademais do día de celebración o mercadillo cambia de lugar e ocupará a contorna da Praza de abastos, xunto ao río Zamáns, no que de momento se rexistraron un total de 24 postos, 19 máis que os que asistían ata o de agora as fins de semana.

Desde o departamento de Comercio advirten de que tamén está previsto un endurecemento no control das obrigacións dos comerciantes por parte das autoridades, que esixirán a documentación e que estean ao día no pago das taxas. 

A mesa local de comercio que na súa orde do día tamén abordou outras cuestións como as melloras interiores que se pretenden acometer na Praza de Abastos, as restricións no aparcamento situado na parte traseira, ou, a celebración de diferentes eventos do comercio como a Feira  Portobelo ou o Rastrillo de Primavera. 

 

MESA LOCAL COMERCIO 1.jpg

O alcalde do municipio, Paco Ferreira, trasladou esta idea á Directora Xeral de Administración Local, e presidenta da Comisión Heráldica de Galicia, Marta Fernández Tapias, na súa primeira visita institucional a Gondomar.

Paco Ferreira expuxo a intención do seu goberno de poñer en marcha o proceso que permita dotar deste símbolo ao municipio, sintetizando nel “as características que nos definen como sociedade, como pobo, tanto xeográficas como históricas, tal e como se fixo no seu día co noso escudo”. 

Unha idea que aplaudiu a responsable do goberno autonómico que como presidenta da Comisión Heráldica de Galicia comprometeuse a facilitar e iniciar os trámites necesarios para dotar a Gondomar dunha bandeira canto antes, traballo que explicou será máis sinxelo porque se traballará xa sobre o propio escudo do municipio.

O alcalde anunciou que formalizará a petición en breve. Unha vez superado este paso, expertos da Comisión  Heráldica trasladaranse ao concello para asesorar e colaborar no deseño da bandeira, elaborando as propostas e memorias  heráldicas necesarias que deberá aprobar o pleno da corporación por maioría absoluta.

Tras a exposición pública e resolución de alegacións, remitiranse á Comisión  Heráldica de Galicia para que emita o informe, preceptivo e vinculante, que se elevará ao Consello da Xunta para a súa aprobación definitiva.

Ademais, nesta primeira visita institucional o alcalde aproveitou para lembrar a importancia da colaboración entre administracións, demandando a mediación da Directora  Xeral en cuestións como as futuras obras que acometerá a Xunta de Galicia na contorna da Pasaxe. 

“É importante que traballemos da man neste ámbito, tendo en cuenta que practicamente ao mesmo tempo desde o goberno local poñerase en marcha o reparcelamento do polígono e, o obxectivo é optimizar esforzos e ocasionar as menores molestias posibles a veciños e empresarios”, sinalou Paco Ferreira.

Durante a súa visita mostrouse Marta Fernández Tapias o novo vehículo todoterreo da Policía Local de Gondomar, adquirido ao amparo do Fondo de Compensación autonómico e que se destinará a funcións de protección do medio ambiente e do espazo natural. 

foto 17.jpg

 

O Concello de Gondomar, a través do seu departamento de Medioambiente, facilitará a información necesaria aos veciños do municipio que queran sumarse ao Plan de Actuacións de loita contra as enfermidades do castiñeiro no 2020.

Os interesados poderán solicitar o novo modelo para participar no tratamento experimental de distribución de cepas hipovirulentas para combater a enfermidade coñecida como “cancro do castiñiero”.

Ademáis informaráselles sobre que pasos seguir unha vez cumplimentada a documentación, e os organismos aos que dirixirse para que sexan atendidas as solicitudes.  Como en anteriores ocasións, deberán presentarse nas xefaturas territoriais de Medio Rural, servizos provinciais de Montes, oficinas dos distritos forestais ou agrarias comarcais.

 

CANCRO CASTIÑEIRO 2.jpg

Remodelación e acondicionamento das estradas, cunetas e recollidas de pluviales en Guntín e Regadas (parroquia de Borreiros).

83142679_2451783501750864_8142037483769561088_o.jpg

83149579_2451788998416981_8432365899905761280_o.jpg

83030653_2451788988416982_2908656959290867712_o.jpg

83827524_2451783565084191_647199628172722176_o.jpg

83106104_2451783595084188_3856620236530778112_o.jpg

84122079_2451789071750307_5240213392244867072_o.jpg

83073854_2451789065083641_6250791855231860736_o.jpg

O alcalde de Gondomar, Paco Ferreira, califica de ''necesaria e integradora como exemplo claro da convivencia real e diaria dos dous idiomas, o castelán e o galego, existentes e utilizados no noso municipio e na nosa comunidade autónoma''.

“Os administrados serán atendidos no idioma que soliciten formalmente, aínda que nun primeiro momento a comunicación realícese en galego. Este feito non impedirá en ningún momento poidan cubrirse en castelán ou mesmo facilitar a súa tradución o castelán se así o requiren".

“O concello segue dando pasos por diante de moitos, ao ser dos primeiros en contar cunha ordenanza de normalización lingüística”, concluiu o alcalde.

 

83029740_2451045948491286_2912239262663442432_n.jpg

Rss