^ Ir arriba

novas

Novas Concello de Gondomar

Novas Concello de Gondomar

“Porque sen o noso pasado non comprenderiamos o presente e o futuro sería imposible, e por iso debemos recuperar a nosa memoria histórica e reforzar así algo tan valioso como o patrimonio inmaterial”. Así o sinalou este mércores o rexedor Paco Ferreira no acto no que se presentou o proxecto de rodaxe dun documental sobre a emigración en Gondomar.
Durante a presentación o rexedor subliñou o feito de que o fenómeno migratorio foi unha constante na historia da maioría de vilas galegas, converténdose nunha saída á que se viron abocadas miles de persoas, entre eles moitos veciños da localidade, na procura de novas oportunidades “que non sempre atopaban de forma fácil”.
Paco Ferreira explicou que se trata de recuperar a través dun documental, cunha duración aproximada de 50 minutos, testemuños vivos daqueles que desde o outro lado do océano, coas súas achegas económicas, brindaron novas oportunidades aos veciños das súas localidades de orixe, facilitándolles “en moitos casos os medios dos que eles careceron, como a formación, e que supuxo unha verdadeira dificultade para os emigrados nos países de orixe”.
Por iso farase fincapé na educación e en como a emigración apostou por ela, concretamente, coa constitución das “escolas americanas” froito da xenerosidade dos emigrantes que enviaron doazóns económicas para a construción de escolas nas que formar ás novas xeracións, converténdose o ensino nun vehículo regenerador e nun resorte de transformación social.
O director do proxecto, Xan Leira, agradeceu o interese e aposta do goberno local polo proxecto e explicou que, previsiblemente, estrearase no primeiro trimestre do ano 2020 en Gondomar, sen descartar, que se poida tamén proxectar tamén en Buenos Aires.
A súa elaboración desenvolverase en diferentes fases, sendo a primeira delas o contacto e conversacións con emigrantes retornados. Algúns destes testemuños proxectáronse durante a presentación e poderanse consultar na web www.gondomarnaemigración.wordpress.com, creada como primeiro paso do proxecto e que se irá dotando de toda documentación relacionada con este proceso de creación do documental.
A segunda fase, que arrincará no mes de febreiro, centrarase na gravación das entrevistas en Gondomar, así como no Museo Pedagóxico de Galicia, tal e como sinalou o propio Xan Leira, e, finalmente a rodaxe e posterior montaxe
Asistiu tamén á presentación o presidente do Círculo Val Miñor en Buenos Aires, Alberto Lloret, quen agradeceu ao alcalde Paco Ferreira a súa aposta por “un patrimonio tan importante como é o da nosa historia e a estreita relación que se creou entre Gondomar e países como Arxentina ou Uruguai cos que os lazos que se estableceron entón forman parte da esencia do municipio”.

 

2O4A3981.jpg

O alcalde de Gondomar, Paco Ferreira, lamenta que unha vez máis a Xunta de Galicia “prefira a política de titulares, que tanto parece gustarlle, á colaboración e lealdade institucional con concellos como o de Gondomar, obviando ao seu máximo representante en cuestións que afectan directamente aos nosos veciños e veciñas”.
Refírese Paco Ferreira ao encontro mantido en Vigo pola Conselleira de Infraestruturas e Vivenda, Ethel Vázquez, e outros representantes da Xunta, con responsables da Asociación de Empresarios da Pasaxe, na que anunciaron un investimento de 400.00 euros nunha actuación na PO 331 para a mellorar os accesos ao polígono industrial.
Cualifica de positivo o alcalde o investimento aínda que lembra que inicialmente a cantidade barallada para o proxecto era de 700.000 euros, o que lle leva a preguntarse “a que se destinará o diñeiro restante, e se se atenderán necesidades que o goberno galego ten pendente coa nosa localidade”.
Nese sentido lamenta que a Ethel Vázquez obviase no encontro deste luns a representación da Asociación veciñal de Vincios, ou da Comunidade de Montes da parroquia “coas que o meu goberno si se reuniu en varias ocasións para coñecer as súas demandas, que plasmaron en alegacións pedindo modificacións no proxecto, sen obter resposta algunha pola administración galega ata o momento”, apunta Paco Ferreira.
Vai máis aló e recrimina a deslealdade institucional nun encontro que “parece máis pensado para obter unha boa foto e achandar o camiño a Feijóo para as eleccións autonómicas que pensando no noso municipio e as súas necesidades”. Afirma que a presenza do alcalde na reunión cos empresarios da Pasaxe serviría para abordar outras cuestións prioritarias como a urbanización do propio polígono.
A ela suma, entre outras actuacións, a ampliación das beirarrúas desde a Pasaxe ata o centro de Vincios, “como estaba previsto inicialmente”, ou a mellora de accesos ao Monte Galiñeiro “unha reivindicación xa trasladada á Xunta e que segue sen resposta.” Así mesmo, Paco Ferreira, tamén apunta a posibilidade de que se destinen orzamentos autonómicos na creación dunha senda peonil na estrada Vincios- Morgandans-Couso.
Por último, lamenta o alcalde, que “cando se fala de investimentos, a Xunta teña sempre en conta a cor política dun concello fronte ao diálogo e as necesidades e demandas dos seus veciños, que é o realmente importante.”

O alcalde de Gondomar, Paco Ferreira, clausurou hoxe o curso de operador de loxística e produción que desenvolveuse en Gondomar dende o pasado mes de setembro, e no que participaron un total de 21 desempregados/ as da localidade. Promovido pola concellaría de Emprego, “péchase con datos moi satisfactorios, ao confirmarse que sete dos participantes na formación, un terzo deles, están xa traballando nalgunha das empresas onde fixeron prácticas”.
Así o destacou Paco Ferreira quen animou aos presentes a seguir participando neste tipo de iniciativas coas que “dende o goberno queremos facilitarvos todas as ferramentas necesarias para facilitar o voso acceso ao mercado laboral”, incidindo na importancia dunha correcta formación en materias específicas para “responder á demanda concreta e puntual que poidan realizar desde as industrias”.
Cunha duración de 175 horas de formación, máis prácticas laborais nalgunha das dez empresas que colaboraron nesta ocasión, os participantes obtiveron coñecementos sobre os procesos industriais, de loxística e almacén, prevención de riscos laborais e, a formación no manexo de carretillas elevadoras, obtendo moitos deles/ as tamén o carné necesario para o seu uso.

 

image2.jpeg

image1.jpeg

 

No obxectivo do goberno local de implicar a todos/as na celebración do Nadal lucen xa as primeiras árbores decoradas con motivos feitos por alumnos/as dos colexios do municipio, elaborados todos eles con materiais reciclados.

No centro de saúde poderánse ver as creacións dos pequenos/as do CRA Antía Cal, descubrindo o uso tan orixinal e divertido que pode darse os vasos de iogur. E no Concello, poderemos descubrir o traballo do alumnado do CEIP de Vincios, que, entre outros materiais, nos amosan que uso dar os CD`s, convertindoos en simpáticos renos. 

Con esta iniciativa búscase a máxima implicación de nosa rapazada no Nadal do municipio á vez que se aposta pola educación en valores de respeto ao medioambiente, apostando pola reciclaxe e reutilización. 

Nos próximos días ubicaránse catro árbores na Casa da Cultura, Praza de Abastos e Auditorio, decorados polos estudantes dos CEIP Chano Piñeiro, Neira Vilas de Peitieiros, a Escola Infantil Galiña Azul e o Centro de Educación Infantil San José.

 

2feac45a-08b8-4ce7-8f00-a95f75cb7cb6.jpg

69958e44-2b42-44b1-98f7-483d7ba45b5b.jpg

1081fe02-7afd-4feb-8393-f160bdd10f76.jpg

Coñecer o valor do diñeiro, saber escoller entre unha necesidade ou un desexo ou promover o aforro son algúns dos obxectivos do Gran Prix Financeiro que, a través da Concellería de Xunventude, regresa a Gondomar o próximo 13 de decembro, dirixido a nenos e nenas de entre 10 e 12 anos.
O xogo, enmarcado dentro do programa de educación financeira impulsado por Abanca con Afundación, ten como obxectivo explicar ao público xuvenil que o diñeiro non xorde por encantamento dos moedeiros ou carteiras, así como xestionar o seu uso á hora de asumir un gasto.
Cun taboleiro e situacións divertidas traballarase cos participantes en diferentes cuestións como a importancia da boa xestión dun orzamento, o valor do esforzo, a empatía e responsabilidade social, ao mesmo tempo que se ofrecerán as pautas de consumo responsable.
Todos os interesados en participar poderán inscribirse antes do 13 de decembro na Oficina Municipal de Información Xuvenil (OMIX), ata que se esgoten as prazas, chamando ao 986.369.746. O Gran Prix financeiro celebrarase en dous horarios diferentes: 16.30 a 18.00 horas, e, de 18.00 a 19.30. horas.

 

grandprix1_842626_manual.png

Venres, 29 Novembro 2019 13:39

Sorteo dos postos do Rastro Familiar

O xoves 28 de novembro realizouse o sorteo que otorgou os postos do Rastro Familiar para este 2019 no Concello de Gondomar.

 

Listaxe final:

Sorteo Rastro Familiar.jpg

Xoves, 28 Novembro 2019 17:44

Gondomar estrea o alumeado de Nadal

Gondomar estrea o alumeado de Nadal cunha xornada de festae o seu “Mercadodo Nadal”

Todo está listo en Gondomar para dar o pistoletazo inicial ao acendido do Nadal e así poñer en marcha o amplo programa previsto para estas datas, que arrincará oficialmente este domingo 01 de decembro, coa celebración do “Mercado  do Nadal”, durante todo o día, e xa, pola tarde, coa conta atrás  que  inaugurará oficialmente a iluminación do Nadal deste ano.

“Queremos que poidan gozar deste acto o maior número de persoas posible, e por iso quixemos asegurarnos que a choiva non o impedía”, afirma o rexedor, Paco Ferreira, que explica así a decisión de pospoñer 24 horas as actividades ante as previsións de precipitacións  para o sábado 30 de novembro, e que poderían deslucir o aceso.

Así, o domingo 11.00 horas, arrincará oficialmente o programa de actividades coa inauguración do “Mercado  do Nadal”, que se celebra por primeira vez no municipio. Durante todo o día a  Praza da Paradela acollerá os postos deste mercado do Nadal, no que  participan hostaleiros e comerciantes de Gondomar.

A partir das 18.00 horas a praza encherase maxia  navideña e fantasía grazas aos personaxes procedentes do “Bosque Máxico”,  aos que “Serán  Animación”  dará vida, e cos que  todos os que queiran poderán fotografarse nun  photocall montado para a  ocasión.

Ás 19.30 horas,  será a quenda para a  música e a danza da man das tres escolas de baile de Gondomar que  ofrecerá n unha  espectácu preparado para a  ocasió n.

Finalmente, ás 20.00 horas se  procederá á conta  atrás do aceso  navideño que  lucirá este  año en Gondomar e que se completará cun amplo programa de actividades previstas ata o mes de xaneiro, todas elas enmarcadas baixo o lema “Escribe ou  teu Nadal”

Troncos nadal

Xoves, 28 Novembro 2019 12:06

Sorteo dos postos do Mercado de Nadal 2019

O mércores 27 de novembro realizouse o sorteo que otorgou os postos do Mercado de Nadal para este 2019 no Concello de Gondomar

 

Listaxe final:

RESULTADO SORTEO MERCADO DE NADAL.jpg

Venres, 22 Novembro 2019 18:01

Negro contra a violencia de xénero

Gondomar súmase un ano máis ao negro contra a violencia de xénero

O goberno local de Gondomar, a través da súa concellería de  Igualdade, súmase un ano máis á denuncia unánime contra a violencia de xénero programando, con motivo da celebración do 25  N, Día Internacional da Eliminación da violencia contra a muller, unha serie de actividades que arrincarán este mesmo venres coa iluminación do  concello en cor morada, que se manterá durante unha semana.

Con ela dáse continuidade a un programa que se deseñou buscando a máxima implicación da sociedade, con diferentes actividades programadas ao longo de todo o mes de novembro. O acto central terá lugar o vindeiro luns, día 25, a partir das 12.00 do mediodía, coa convocatoria dunha concentración #ante o  concello e lectura dun manifesto, á que se convida a participar a todos os veciños e veciñas de Gondomar.

Ademais situarase na Praza o “punto vivo de  Igualdade” no que se repartirá material específico da campaña “En negro contra  as violencias”.  Tamén se facilitará información sobre as distintas políticas e accións en materia de igualdade que se están desenvolvendo a nivel local e nacional na loita contra a violencia de xénero, facendo fincapé na sensibilización e educación nesta materia nas novas xeracións.

Cuestións que tiveron presentes na Concellería de  Igualdade de Gondomar con campañas desenvoltas nos colexios e institutos do  concello, como “Camisetas solidarias”, na que os estudantes de 3ª de Primaria deseñaron lemas contra o machismo e a violencia de xénero, que plasmaron en camisetas que, posteriormente, expuxéronse nos centros.

A eles sumaranse os estudantes dos IES cos que se prepara un encontro-debate, coa colaboración da Secretaría  Xeral de  Igualdade, baixo o título “Hai saída grazas a ti”.

Por último, un ano máis se contou co apoio do comercio local cuxos establecementos se sumaron ao negro, por terceiro ano consecutivo, “nunha mostra clara de que  Gondomar rexeita a violencia contra a muller, inadmisible en calquera sociedade e fronte á que ninguén debe mirar cara a outro lado”, concluíu a edil Nuria Lameiro.

imagnegro.jpeg

Rss