Cada día máis, os espazos verdes convertéronse nun elemento estructurador das nosas localidades, por iso as zonas naturais requiren unha atención continua e adecuada na medida de que constitúen un condicionante obrigada na formulación de desenvolvemento: os espazos libres públicos e zonas verdes forman parte do espazo comunitario, á vez que constitúen un escenario de urbanidade e convivencia.

Partindo desta filosofía esta concellería centra a súa actividade no mantemento dos múltiples lugares verdes e de arbolado que existen en Gondomar, adaptando os sistemas de rega ás condicións do espazo e elementos vexetais do municipio.

Así mesmo, establécese o coidado das zonas previstas para o goce dos cidadáns que se dotan dos elementos de equipamento suficientes para facilitar o seu uso, mantemento que recae á súa vez nesta concellería, que ademais do control das zonas verdes en xeral presta atención aos elementos que as compoñen como son as plantas, céspedes, bancos, parques infantís e demais mobiliario urbano.