O día 12 de setembro a Concellería de Xuventude do Concello de Gondomar agárdavos. Temos unha actividade especialmente deseñada para a mocidade, chea de deporte, diversión, xogos e música.
Ás 18h no Campo de Fútbol Das Cercas, ofrecemos á mocidade unha iniciativa innovadora e moi variada. Contaremos cun Show Freestyle na que, especialistas desta disciplina de fútbol da rúa, nos amosarán a mestura de trucos de fútbol con acrobacias controlando o balón en diferentes posicións e con distintas partes do corpo. Todo elo, levado a cabo ao ritmo da música. Logo, seredes vos os que poñades en práctica algún deses trucos a través de distintos obradoiros. Para participar nos obradoiros serán necesario chamar ao 986.369.746 e inscribirse a partir do día 1 de setembro. A música non faltará nesta actividade contando con DJ en vivo. E como colofón a esta actividade, poderedes participar de balde nos distintos xogos como canastra eléctrica, pista suboccer ou air hockey.
Agardámosvos, mocidade a partir dos 13 anos para unha tarde Freestyle.
Para máis información chama 986.369.746 Oficina Municipal de Información Xuvenil.
