O ciclo de encontros “Sementando o Bo Trato”, organizado pola Concellería de Xuventude do Concello de Gondomar, chega á súa derradeira cita.
O 18 de setembro, ás 19:30h, no Centro Neural, falaremos de “Adolescentes e frustración”.
A frustración forma parte do crecemento emocional e aparece con frecuencia na adolescencia: ante un “non”, unha discusión, o rexeitamento, non conseguir o que queren ou ter que afrontar as consecuencias dos seus actos.
Como acompañalos neses momentos sen caer en ameazas, castigos, sobreprotección ou discusións?
Neste encontro, familias, nais, pais e adolescentes compartirán un espazo para descubrir como poñer límites sen romper o vínculo e como axudarlles a desenvolver ferramentas para xestionar aquilo que non poden cambiar.
Un taller práctico da man de Rocío Álvarez, directora de EdE Escuela de Emociones, para deixar de loitar contra a frustración e comezar a convertela nunha oportunidade de aprendizaxe.
📅 18 de setembro
🕢 19:30 h
📍 Centro Neural
📞 Inscricións: 986 369 746
Unha oportunidade para aprender a acompañar, comprender e sementar bo trato.
