O Concello de Gondomar rematou a instalación de dúas caldeiras de biomasa no edificio do Auditorio Municipal Lois Tobío, para a producción de calor para calefacción, logo da retirada da obsoleta caldeira de gasóleo.
Cunha potencia total de 128 kW, esta tecnoloxía alimentada con pellets permitirá un importante aforro tanto económico como de emisión de gases contaminantes, xa que con esta instalación se evitará enviar a atmosfera máis de trinta toneladas de CO2 ao ano.
Este proxecto cun importe total de 58.927 euros foi cofinanciado polo Concello de Gondomar e o INEGA da Xunta de Galicia a través de fondos europeos FEDER.
