O Concello de Gondomar a través de fondos europeos instala placas fotovoltaicas na cuberta do Centro Neural, o que suporá un aforro de consumo do 90%.
A inversion total foi de case 50.000 euros dos que o 60% foron financiados pola administración europea e 40% por fondos propios do Concello de Gondomar.
A superficie xeradora de electricidade de preto de 200m2 e unha potencia de 34KWp, que poderá xerar aproximadamente 47.000Kw cada ano, o que reducirá ás emisións anuais de CO2 en 22 toneladas e suministrará enerxía limpa e gratuíta ao propio Centro Neural, Xefatura da Policia Local, dando subministro tamén ao Complexo deportivo de As Cercas e á electrolinera situada no aparcadoiro.
A enerxía xerada sobrante poderá ser incorporada a rede xeral co que a amortización da inversión efectuada se producirá nun período estimado de menos de 5 anos, e o que é máis importante se reducirán dun xeito moi importante as emisións de gases de efecto invernadoiro.
O alcalde, Paco Ferreira destacou que “Gondomar ten unha aposta moi clara e decidida polas enerxías renovables e polo coidado do medio ambiente, e proba de elo e a recente posta en funcionamento dunha electrolinera a substitución de lámpadas convencionais por outras de tipo led que estamos a levar a cabo en todo o noso municipio, a instalación de caldeiras de biomasa, ou coma neste caso facendo que un edificio e unha instalación deportiva municipais se alimenten con enerxia limpa”.
