A Biblioteca Municipal de Gondomar acollerá durante o mes de setembro dúas propostas especialmente dirixidas aos máis pequenos e ás súas familias, co obxectivo de achegar a lectura, a narración oral, a cultura e a creatividade á infancia.
A través do programa “Ler Conta Moito”, o Concello de Gondomar continúa apostando por actividades que permiten gozar das historias e fomentar, dun xeito lúdico e participativo, o interese pola lectura entre a cativada.
📖 Venres, 11 de setembro
A primeira cita será con Paula Carballeira, recoñecida narradora, escritora e actriz, que nos acompañará nunha tarde para descubrir o poder das historias e deixar voar a imaxinación.
🎩 Venres, 18 de setembro
A segunda actividade correrá a cargo do Mago Charly Braun, que traerá á Biblioteca Municipal un espectáculo cheo de maxia, ilusión e sorpresas para desfrutar en familia.
📍 Biblioteca Municipal de Gondomar
🕕 Ás 18:00 horas
Dende o Concello de Gondomar animamos ás familias a participar nestas actividades e a achegarse á Biblioteca Municipal para compartir momentos de lecer e aprendizaxe arredor dos libros, das historias e da maxia.
Porque fomentar a lectura desde a infancia é tamén contribuír a crear espazos para imaxinar, descubrir, aprender e compartir.
Agardámosvos na Biblioteca Municipal
