O alcalde Paco Ferreira presentou esta mañá as diferentes modalidades das Escolas Deportivas Municipais, das escolas conveniadas coa Deputación de Pontevedra e as escolas impartidas polos diferentes clubs deportivos de Gondomar en colaboración co concello.
As modalidades ofertadas nas Escolas Deportivas Municipais son psicomotriciade e multideporte, taekwondo, GAP, ximnasia de mantemento, xadrez, marcha nórdica e patinaxe artística que este ano pasa a ser escola municipal.
No caso das escolas conveniadas coa Deputación de Pontevedra os deportes ofertados serán judo, balonmán e baloncesto.
Por outro lado os clubs de Gondomar ofertarán para este curso, en colaboración co concello ximnasia rítmica, patinaxe artística, fútbol masuclino e feminino, atletismo, tenis de mesa, fútbol gaélico, tenis, bolos e actividades náuticas.
O prazo de insrición das Escolas Municipais abriráse o próximo 18 de setembro no pavillón municipal Bernabé Costas de Miranda en horario de 10:00h a 12:00h e de 17:00h a 20:00h.
DESCARGA DOS IMPRESOS DE SOLICITUDE:
No caso das escolas conveniadas coa Deputación de Pontevedra ás incricións deberán realizarse a través da páxina da propia Deputación (https://www.depo.gal/es/-/deporte-escolas) ou na federación deportiva correspondente.
Para realizar a inscrición das actividades organizadas polos diferentes clubes deberán dirixirse a cada un deles directamente.
O alcalde Paco Ferreira destacou que “o deporte é un dos maiores potenciais que ten Gondomar, é unha forma de educar ás nenas e nenos nuns valores moi positivos, de esforzo, superación e compañeirismo”. O rexedor local destacou que “dende que chegamos ao goberno temos feito un gran esforzo inversor no deporte, tanto en insfraestruturas deportivas, como no apoio a clubes e deportistas e así o seguiremos a facer”.
Para máis información:
deportes@concellodegondomar.gal
986360305 / 608748393
