O Concello de Gondomar anuncia a apertura do prazo de inscrición para a Aula Municipal de Teatro correspondente ao curso 2025/2026, que se desenvolverá no Auditorio Municipal Lois Tobío.
A iniciativa, promovida pola concellería de Cultura, ofrece dúas modalidades segundo a idade do alumnado:
- Adultos: todos os martes de 16:00 a 18:30 horas.
- Mocidade: todos os martes de 18:30 a 20:00 horas.
O programa pretende achegar á veciñanza a experiencia teatral como ferramenta de expresión artística, creativa e de cohesión social, ofrecendo formación práctica nun espazo aberto á participación e ao desenvolvemento persoal. +INFORMACIÓN AQUÍ
As persoas interesadas en participar deberán solicitar a inscrición cubrindo os formularios dispoñibles presencialmente nas oficinas do Rexistro Xeral ou AQUI :
- Solicitude Mocidade
- Programa Formativo Mocidade
- Solicitude Adultos
- Programa Formativo Adultos
- Consentimento
Dende o Concello animan á cidadanía a participar nesta nova edición dunha actividade que, ano tras ano, segue a consolidarse como un dos piares da oferta cultural municipal.
“Agardámoste!!”
