O proxecto DIXIGAL ten como obxectivo formar á cidadanía galega en competencias dixitais relacionadas coas áreas pertencentes ao Marco galego de competencias dixitais dirixidas a persoas en situación laboral de desemprego.
A implantación está orientada á obtención dos correspondentes títulos ademais da adquisición de coñecementos dixitais tan demandados no tempos actuais así como á mellora das capacidades dixitais para impulsar o emprendemento e desenvolvemento rural.
Está dirixido preferentemente a mulleres en situación laboral de desemprego.
Este proxecto está composto de 3 niveis: básico, intermedio e avanzado. Nesta ocasión desenvolverase o nivel básico composto de 5 módulos de 40h cada un, sumando un total de 200 horas de formación:
- Búsqueda e xestión da información dixital
- Creación de contidos dixitais
- Comunicación e colaboración con ferramentas dixitais
- Resolución de problemas no entorno dixital
- Seguridade e civismo no entorno dixital
O curso é totalmente gratuíto e en horario de mañá. Dará comezo o 27 de xaneiro e rematará o 5 de maio.
Para poder realizar o curso farase entrega dunha tablet a cada participante.
Inscricións do 13 ao 17 de xaneiro, a través da sede electrónica ou no rexistro municipal.
Mais información: Centro de Información á Muller presencialmente ou no 986389355 ou [email protected]
SOLICTUDE AQUÍ
