O Concello de Gondomar a través da súa Concellería de Turismo pon en marcha o “Camiño de Santiago por etapas”. Esta ruta cun total de 110 kilómetros desenvolverase en 4 etapas de 28 kilómetros cada unha aproximadamente, os días 3, 10, 17 e 24 de setembro. Ao chegar a Santiago o que así o queira poderá solicitar a “compostela”.
En cada xornada pola mañá un autobus recollerá aos participantes en Gondomar para levalos ao punto de inicio de cada etapa, regresando a nosa vila a media tarde.
Esta actividade é gratuita con prazas limitadas, tendo preferencia na inscrición aquelas persoas empadroadas en Gondomar. É imprescindible o compromiso de realización das 4 etapas para poder acceder a unha praza.
En cada etapa os participantes contarán cun vehiculo de apoio durante todo o percorrido para garantir a sua seguridade así como diferentes puntos de avituallamento.
INCRICIÓNS:
A partir do 17 de agosto no correo: [email protected] ou no teléfono 678874985
