O Concello de Gondomar, a través da súa Concellería de Turismo, organiza unha excursión a Vitoria-Gasteiz que se desenvolverá do 7 ao 9 de novembro.
O programa inclúe un intercambio cultural co Centro Galego de Vitoria, unha oportunidade única para reforzar os lazos entre Galicia e a comunidade galega residente no País Vasco.
O prezo da viaxe é de 220 euros por persoa en habitación dobre e inclúe:
- Traslado en autobús
- Aloxamento en hotel de 3 estrelas
- Pensión completa
- Visitas guiadas
- Seguro de asistencia en viaxe
As prazas son limitadas, e terán preferencia as persoas empadroadas en Gondomar. O prazo de inscrición estará aberto ata o 24 de outubro.
As persoas interesadas poden obter máis información e formalizar a inscrición na Oficina de Turismo de Gondomar, ou chamando ao teléfono 678 874 985.
