O Concello de Gondomar segue apostando polo desenvolvemento económico e social do municipio a través da creación de emprego. Grazas ao novo Plan de Emprego Local, financiado polo Plan +Provincia, o Concello acaba de incorporar 12 novos traballadores e traballadoras aos seus servizos municipais.
Dámoslle a benvida a:
- 2 auxiliares administrativos
- 5 peóns de servizos
- 2 peóns forestais
- 3 condutores
Estas novas incorporacións permitirán reforzar o mantemento de infraestruturas e espazos públicos, mellorando así a calidade dos servizos municipais e facendo de Gondomar un lugar máis accesible, limpo e coidado para toda a veciñanza.
