Máis de 40 voluntarios e voluntarias participaron este pasado domingo na xornada de limpeza de ríos que organizada polo concello en colaboración con ADEGA se levou a cabo nos ríos de Gondomar, e en outros moitos Concellos de Galicia de maneira simultánea. Foron retirados máis de 1.000 quilos de residuos de cristais, plásticos, diferentes envases, restos de obra, e pneumáticos entre outros.
Dende o Concello de Gondomar queremos dar as grazas a cantos participaron nesta xornada de limpeza que ademáis pretende servir para concienciar da importancia do coidado do medio ambiente e dos nosos ríos, que son sen dúbida un dos nosos máis valiosos patrimonios.
