O Concello de Gondomar, a través de fondos procedentes do Plan de Mellora de Camiños de Titularidade Municipal, financiado polo Fondo Europeo Agrícola de Desenvolvemento Rural (FEADER), o Ministerio de Agricultura, Pesca e Alimentación do Goberno de España e a Xunta de Galicia, acometeu as obras de mellora nos camiños de A Estrada de Donas e A Barga de Donas, consistentes na pavimentación, instalación de drenaxe de augas pluviais e mellora da seguridade viaria.
Os traballos executados supuxeron un investimento total de 69.349,30 euros, dos que o 75% (52.283,47 euros) foron financiados a través do citado plan, mentres que o 25% restante (17.065,83 euros) se cubriu con fondos propios do Concello de Gondomar.
