O Concello de Gondomar recupera con ilusión o Memorial Secundino Pérez Sanromán
Logo de varios anos sen celebrarse, o Concello de Gondomar aposta forte por recuperar unha das homenaxes máis queridas á nosa música tradicional, o VIII Memorial Secundino Pérez Sanromán, en lembranza do inesquecible mestre gaiteiro de Chandebrito.
O vindeiro 3 de maio ás 19:00 h no Auditorio Lois Tobío, a vila volverá vibrar coa gaita grazas á participación de grupos que representan o espírito e o legado de Secundino:
- Aire de Santes da AAVV Galiñeiro de Vincios.
- A Merced de Chaín.
- Ecos e Agarimos de Peitieiros.
- BVM Ex alumnos de Secundino.
- Ardelume de Baiña.
- Novos aires de Couso.
Desde o Concello queremos revitalizar este memorial e darlle a continuidade que merece, non só como homenaxe persoal, senón como símbolo do compromiso coa cultura e as nosas raíces musicais
Contamos con vós para facer desta unha tarde inesquecible de música, emoción e lembranza.
Non faltes!
