Trátase dunha letrada especializada en dereito familiar, herdanzas e violencia de xénero.
O Centro de Información a Muller (CIM) de Gondomar incorpora dende mañá unha letrada que facilitará asesoramento xúridico a mulleres que así o requiran. As consultas realizaránse os mércores e xoves en horario de 09:00 a 14:00 horas, con cita previa.
Este servizo interrumpido temporalmente despois da xubilación da letrada anterior, ponse novamente en marcha tras as xestións do Concello de Gondomar ante a Xunta de Galicia para que permitise a contratación dun servizo de asesoramento externo.
Ademais mantense o servizo de axuda sicolóxica que está operativo todos os martes e mércores de 09:30 a 14:30 horas.
