O Concello de Gondomar, en colaboración coa Fundación Impulsarse e coa cofinanciación da Unión Europea, pon en marcha o programa “Talento Xove 2025”, unha iniciativa formativa gratuíta, presencial e con orientación laboral, destinada a mellorar a empregabilidade da mocidade do municipio.
O programa está orientado a mozos e mozas de entre 16 e 30 anos, que se atopen en situación de desemprego e estean inscritos/as no Sistema Nacional de Garantía Xuvenil.
A formación desenvolverase de maneira presencial no Centro de Desenvolvemento Local (CDL) de Gondomar, e inclúe dous bloques :
- Formación troncal: Competencias dixitais avanzadas (60 horas)
- Formación específica: Actividades auxiliares de almacén (90 horas)
Ademais, o programa ofrece orientación laboral personalizada e unha bolsa de asistencia remunerada, que permitirá ao alumnado recibir unha compensación económica durante o período formativo.
O curso dará comezo a principios de novembro, ofrecendo unha excelente oportunidade para adquirir novas habilidades profesionais e facilitar a inserción laboral dos mozos e mozas de Gondomar.
Información e inscricións:
📧 [email protected]
📧 [email protected]
📞 Inma: 698 18 51 28
📞 Pilar: 698 18 51 28
Este programa está cofinanciado pola Unión Europea, o Ministerio de Traballo e Economía Social, o SEPE e o Sistema Nacional de Garantía Xuvenil, contando tamén coa colaboración da Cámara de Comercio de España e das Cámaras de Pontevedra, Vigo e Vilagarcía de Arousa.
