O Concello informa á veciñanza de que, con motivo da celebración da festividade de San Bieito, que terá lugar este sábado día 21 durante todo o día, estableceranse restricións de tráfico e posibles cortes puntuais na circulación.
As medidas afectarán principalmente á contorna da subida da Igrexa, onde se concentrarán os postos e a actividade festiva.
No que respecta ao estacionamento, o aparcamento da Igrexa permanecerá pechado temporalmente, mentres que o resto das zonas de aparcamento do municipio funcionarán con normalidade.
Dende o Concello recoméndase á cidadanía planificar os desprazamentos con antelación, así como respectar a sinalización provisional e seguir en todo momento as indicacións da organización.
O Concello agradece a colaboración de todos e todas para o correcto desenvolvemento desta xornada festiva.
