Este domingo 2 de novembro, ás 19.00 h, no Auditorio Lois Tobío, Setestrelo Teatro achega a Gondomar a súa nova montaxe Comedia sen título.
Tras o éxito da súa primeira obra, Arroutada, o grupo aborda agora unha proposta inspirada no texto inacabado de Federico García Lorca. Un drama social e experimental que convida a reflexionar sobre o papel do teatro e da sociedade.
A obra está interpretada por once actrices e actores da ONCE de Vigo, oito deles con discapacidade visual, que combinan talento, dedicación e ilusión sobre o escenario.
Está recomendada para público a partir de 13 anos e a entrada é libre ata completar aforo.
