O Concello de Gondomar, presentará o sábado trece a quinta edición do seu calendario de igualdade, que tal e como sucedeu no ano 2023, estará adicado a doce mulleres, que pola súa traxectoria vital son, ou foron, figuras destacadas na nosa vila e nas súas respectivas parroquias.
O acto de presentación terá lugar no Auditorio Municipal Lois Tobío a partir das 18:00h, e será nese momento no que coñeceremos ás 12 protagonistas da edición de 2024, dun calendario que chega xa a súa quinta edición consecutiva.
A gala que estará conducida pola periodista Paula Montes, contará con actuacións musicais, e cun repaso á traxectoria das doce mulleres gondomareñas protagonistas de cada un dos meses deste almanaque.
O alcalde Paco Ferreira sinalou que “este calendario é a nosa forma de brindar un recoñecemento a 12 mulleres que desde distintos ámbitos, destacan por ter contribuido a facer unha sociedade mellor, e con este acto queremos por en valor a labor, moitas veces oscura e silenciada de tantas mulleres que co seu esforzo e traballo contribuiron a construir o que hoxe é Gondomar”
