Un ano máis, Gondomar acolle a XI edición de “Mostrafeira” os días 5 e 6 de abril.
Artesáns chegados dende distintos lugares de Galicia, exporán as súas creacións e ademáis os asistentes terán a oportunidade de coñecer como se realizan as pezas e participar activamente na súa elaboración a través dos distintos obradoiros que tamén se levarán a cabo durante ambas xornadas.
A organización corre a cargo de “A Escola” Asociación Galega de Cerámica e outras Artesanías e o Concello de Gondomar coa colaboración de Artesanía de Galicia.
Ubicada no edificio do Antigo Matadoiro, ten o seguinte horario de acceso: De 11:00 a 14:00 e de 16:00 a 20:00 horas.
Exposición, venda e obradoiros gratuitos.