Un grupo de mozos e mozas de Gondomar participou recentemente nun proxecto de mobilidade xuvenil ERASMUS+ KA151 celebrado en Porto do 30 de outubro ao 4 de novembro de 2025.
A iniciativa, promovida pola organización CARAVELA, reuniu participantes de seis países europeos co obxectivo de fomentar a cidadanía europea activa entre a mocidade de 18 a 30 anos.
Durante a estadía, a xente nova participou en actividades de educación non formal, obradoiros sobre cidadanía europea e visitas culturais, compartindo experiencias con outros grupos de Portugal, España, Hungría, República Checa, Italia e Polonia.
Este proxecto contribúe a fortalecer o compromiso da mocidade con Europa e a ofrecer oportunidades de desenvolvemento persoal e cultural a través da mobilidade internacional.
