O Concello de Gondomar continúa coa programación especial do Día das Letras Galegas coa celebración do IX Memorial Secundino Pérez Sanromán, unha cita cultural que o pasado ano se recuperou con forza e que retoma o seu protagonismo como homenaxe á música tradicional galega e a unha das figuras máis destacadas do folclore no Val Miñor.
O memorial está organizado polo Concello de Gondomar en colaboración co grupo Novos Aires de Couso, mantendo viva a memoria e o legado dun mestre imprescindible para entender a música tradicional no Val Miñor.
Participarán:
- Aires de Santes da AAVV Galiñeiro de Vincios
- A Merced de Chaín
- Ecos e Agarimos de Peitieiros
- Novos Aires de Couso
Desde o Concello convidamos a toda a veciñanza a participar nesta noite dedicada ás nosas raíces, á cultura galega e á música tradicional.
