O Concello de Gondomar convida á veciñanza a participar nunha nova actividade do programa de verán +Deporte Atlántico. O vindeiro mércores 22 de xullo, ás 20:30 horas, a Praza do Concello acollerá unha sesión gratuíta de Zumba, unha proposta pensada para promover hábitos de vida saudables a través do exercicio físico, a música e a diversión.
A actividade está aberta a persoas de todas as idades e niveis, polo que non é necesaria experiencia previa. Ademais, todas as persoas participantes recibirán un agasallo conmemorativo da xornada.
As persoas interesadas poden formalizar a súa inscrición a través do código QR que figura no cartel ou na web indicada no mesmo, ata o peche do prazo.
Desde o Concello de Gondomar animamos a toda a veciñanza a sumarse a esta iniciativa e a desfrutar dunha tarde de deporte ao aire libre nun ambiente dinámico e participativo.
