CONCERTO NA PRAZA DE ROSALÍA -“PÍSCORE” – Venres 14
14 xuño
19:30 horas
Praza Rosalía de CastroO Cuarteto cómico de percusionistas “Píscore”, presenta este venres 14 de xuño ás 19:30h na Praza Rosalía de Castro de Gondomar o seu último proxecto “Molto Barroco”. Volve a Gondomar un dos grupos máis divertidos de Galicia para todas as idades cunha nova peza chea de risas e sorprendentes números cómico-musicais.
“Píscore” dá un novo paso adiante coa súa mellor peza mellorando a súa produción escénica, visual e cómica. Molto Barroco é un esmendrellante paseo pola excelencia da música barroca mesturada con gags cómicos de primeiro nivel. O elenco está formado por Pepe Varela, Diego Rosal, Félix Rodríguez e Pablo Cabanelas, dirixidos por Fran Rei. Aberto a todos os públicos e gratuito.
Este concerto está encadrado dentro dun conxunto de actividades que o alumnado do Conservatorio Municipal de Gondomar, vivirá entre o venres 14 e o sábado 15 onde quedarán a durmir no centro. A mañá do sábado estará adicado ao corpo e ao movemento da man de Eva Blanco cunha sesión de Ioga e Meditación, e rematarán cunha Masterclass de danza contemporánea, moderno e breakdance cos bailaríns Rubo e Alejandra Teixeira, da Escola de danza Unidance de Vigo.
Todas as actividades están financiadas polo Concello de Gondomar e pola Deputación de Pontevedra.
