O Concello de Gondomar continuando coa súa aposta decidida polos deportes urbanos organiza esta actividade deportiva centrada no mundo do skate que terá lugar o xoves 4 de agosto a partir das 20:30 horas no skatepark municipal.
O Concello de Gondomar organiza o próximo xoves 4 de agosto o seu primeiro festival adicado ao skate. Tras o éxito acadado coa posta en marcha do skatepark municipal, durante este verán e dentro das actividades xuvenís programadas polo Concello se ven desenvolvendo un curso de esta disciplina, cun gran nivel de participación de mozas e mozos de todas as idades.
Este festival servirá para que os participantes poidan mostrar os coñecementos adquiridos neste curso.
Ademais tamén haberá unha exhibición de mozas e mozos skaters de Gondomar, que demostrarán que a nosa vila é actualmente unha potencia neste deporte, con grandes promesas que nos próximos anos están chamados a alcanzar éxitos nesta espectacular disciplina deportiva.
A xornada comezará as 20:30 horas coa exhibición dos participantes do curso e seguidamente haberá unha demostración por parte de mozas e mozos skaters de Gondomar. Todos os asistentes e participantes poderán optar ao sorteo duns magníficos agasallos cortesía da organización de “O Marisquiño”.
A xornada rematará coa proxección dun filme ao ar libre as 22:30 horas para público familiar.
O Alcalde Paco Fereira destacou que “Gondomar xa e un referente no deporte en xeral en Galicia, e queremos que tamén o sexa nos deportes urbanos”
