A exposición titulada “A Casa de Galicia” estará ubicada na Praza Paradela ata finais deste mes de Marzo, e fai un repaso pola historia da Casa-Museo de Rosalía, que se abriu ao público o 15 de xullo de 1971, en pleno franquismo, grazas á implicación de milleiros de persoas e entidades de todo o país e da emigración.
No acto de presentación estiveron presentes o Presidente da Fundación Rosalía Anxo Angueira, o alcalde Paco Ferreira e membros do goberno local.
Na súa intervención Anxo Angueria destacou que “a exposición esté ubicada nunha praza a da Paradela, que antigamente foi un mercado e que foi recuperada para a xente cando se reformou. Angueira tamén quixo destacar “a vinculación de Rosalía de Castro con Gondomar que se reforzou coa magnifica praza recentemente inaugurada e que leva o seu nome”.
Pola súa banda o alcalde, Paco Ferreira quixo agradecer “que a fundación elixira Gondomar para esta mostra e un orgullo para Gondomar” ademais o rexedor local manifesotu que “hai que poñer en valor o gran traballo que fai a Fundación e o seu presidente, xa que grazas a eles conservamos e honramos a memoria da nosa poeta máis universal” Por último Ferreira anunciou que “a colaboración entre a Fundación Rosalía seguirá sendo constante e abordaremos outros proxectos conxuntos para seguir enxalzando a figura da nosa gran poeta”
