O Concello de Gondomar impulsa un proxecto para mellorar a rede municipal de saneamento, centrado na redución de infiltracións e no control de caudais, reforzando o seu compromiso cunha xestión eficiente, sostible e moderna dos servizos públicos. Esta actuación permitirá optimizar o funcionamento do sistema, mellorar a calidade ambiental e garantir un mellor servizo á veciñanza.
O proxecto conta con financiamento europeo a través do Plan de Recuperación, Transformación e Resiliencia (NextGenerationEU), coa participación do Goberno de España, a Xunta de Galicia e Augas de Galicia, e supón un investimento de 43.998,45 €. As actuacións inclúen a reparación de infraestruturas deterioradas, a inspección da rede e a incorporación de sistemas de control dixital, avanzando cara a un modelo de xestión máis innovador e eficaz.
